Նորություններ
Արագածոտնի մարզպետ Դավիթ Գևորգյանը անակնկալ աշխատանքային այց կատարեց «Աշտարակի բժշկական կենտրոն» ՓԲԸ
03.11.2018
Այսօր ՀՀ Արագածոտնի մարզպետ Դավիթ Գևորգյանը անակնկալ աշխատանքային այցով գտնվում էր Աշտարակի բժշկական կենտրոնում:
Մարզպետը շրջայց է կատարել բժշկական կենտրոնի մասնաշենքերում, հիվանդասենյակներում, ծանոթացել բաժանմունքներում առկա խնդիրներին:
Արձանագրվել է, որ, չնայած ըստ բժշկական կենտրոնի տնօրենի հավաստիացման, հիվանդանոցում կատարվել են կոսմետիկ վերանորոգման որոշ աշխատանքներ, սակայն միևնույն է այն չի համապատասխանում մարզային բուժհիմնարկի պահանջներին, ունի կապիտալ վերանորոգման և վերազինման կարիք:
Այցի ավարտին մարզպետը և բժշկական կենտրոնի տնօրենը քննարկել են հիվանդանոցում տիրող մթնոլորտի, աշխատանքների կազմակերպման, առկա խնդիրների և դրանց հնարավոր լուծման հետ կապված հարցեր: