Արագածոտնի մարզպետի աշխատակազմ

   Ինքնությունը չպարզված անձինք (նախնական տվյալներով մի կին և մի տղամարդ) Ապարանի տարածաշրջանի մի շարք դպրոցներում ներկայանալով կինոդիտման կազմակերպիչ, իբրև մարզպետին ծանոթ՝ առաջարկել են տոմսեր գնել: Հայտնել են նաև, որ իրենք գործում են մարզպետարանի գիտությամբ, ՀՀ պաշտպանության, ՀՀ կրթության և գիտության նախարարությունների իմացությամբ:
     Տեղեկատվությունը ստանալուց անմիջապես հետո ՀՀ Արագածոտնի մարզպետ Դավիթ Գևորգյանը դեպքի մասին հայտնել է իրավապահ մարմիններին:
      Մանրամասների և քննության արդյունքների մասին կհայտնվի լրացուցիչ: 

  ՀՀ Արագածոտնի մարզպետ Դավիթ Գևորգյանը կատարվածը համարում է խիստ անթույլատրելի, հետամուտ է լինելու նմանօրինակ գործունեության ցանկացած դեպքի բացահայտմանը և օրենքով սահմանված պատասխանատվության միջոցների կիրառմանը: