Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզպետն այցելեց կարկտահարված համայնքներ
19.09.2018
Սեպտեմբերի 18-ի երեկոյան Արագածոտնի մարզի մի շարք համայնքներում կարկուտ տեղաց, որի պատճառով զգալիորեն վնասվեցին պտղատու այգիները: Մարզպետ Աշոտ Սիմոնյանն այցելեց տուժած համայնքներ՝ տեղում ծանոթանալու իրավիճակին:
Կարբի համայնքում մարզպետն այցելեց ,,Դեմեր,, կոչվող այգիներ եւ հանդիպեց գյուղացիական տնտեսությունների սեփականատերերի հետ: Այստեղ զգալի վնասներ են կրել այն այգիները, որոնք սահմանակից են Ուշի համայնքին: Էապես վնասվել են նաեւ տնամերձ հողամասերը:
Կարկուտից առավելապես տուժել են Թալինի տարածաշրջանի Ն. Սասնաշեն, Վ. Սասնաշեն, Վ. Բազմաբերդ, Աշտարակի տարածաշրջանի Ուշի, Բյուրական, Անտառուտ, Օրգով, Ղազարավան, Բազմաղբյուր համայնքները:
Մարզպետի հանձնարարությամբ մասնագիտական հանձնաժողովի անդամներն աշխատում են տեղերում, ճշգրտում վնասի չափերը: Նրանք արդեն եղել են Բյուրականում, Անտառուտում, Օրգովում, Ուշիում, Օհանավանում: Նախնական տվյալներով այս համայնքների պտղատու այգիները զգալի կորուստներ են կրել:
