Նորություններ
Արագածոտնում ընթանում է ,,Մաքուր մոլորակ,, ծրագրի շրջանակում կազմակերպված համապետական շաբաթօրյակը
15.09.2018
,,Մաքուր մոլորակ,, ծրագրի շրջանակում սեպտեմբերի 15-ին իրականացվող համապետական շաբաթօրյակի մեկնարկը Արագածոտնի մարզում տրվեց առավոտյան ժամը 10-ին:
Շաբաթօրյակի աշխատանքներին ներգրավվեցին մարզային, համայնքային կազմակերպությունները, կրթական, առողջապահական հաստատությունները, մասնավոր ընկերությունները, կամավորականների ջոկատները, ողջ հանրությունը:
Մարզպետ Աշոտ Սիմոնյանի կարգադրությամբ ստեղծված մարզային հանձնաժողովի կողմից կազմված գործողությունների պլանի մեջ ներառված էին հանրային տարածքների, պատմամշակութային հուշարձանների, հանրապետական, մարզային եւ համայնքային նշանակության ճանապարհների հարակից տարածքների մաքրման, բարեկարգման աշխատանքներ: Մարզպետի հանձնարարությամբ համայնքներ այցելեցին տարածքներում ամրագրված մարզպետարանի պատասխանատուները:
Շաբաթօրյակին ակտիվ մասնակցություն ունեցան հասարակական կազմակերպությունների կողմից ներկայացված կամավորները: Պայմանավորվածության համաձայն նրանք աշխատեցին նախապես առանձնացված ուղղություններում՝ Տառերի պուրակի հատվածից դեպի Բյուրականի անտառ եւ Քարե լիճ տանող տարածքներում, Օշականի ձորի հատվածում եւ Սասունիկի դպրոցի շրջակայքում: