Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Մարզպետ Աշոտ Սիմոնյանը Բազմաղբյուրում ծանոթացավ «Վարգա- ֆուդ» ընկերության աշխատանքներին

09.08.2018

Օգոստոսի 9-ին Արագածոտնի մարզպետ Աշոտ Սիմոնյանն այցելեց Բազմաղբյուր եւ ծանոթացավ ,,Վարգա- ֆուդ,, ընկերության աշխատանքներին:
Աշոտ Սիմոնյանը շրջեց արտադրամասերում եւ պահեստային տարածքներում, հետեւեց աշխատանքի ընթացքին եւ առկա հզորություններին: Ընկերության տնօրեն Վահագն Մկրտչյանը մարզպետին ծանոթացրեց արտադրական գործընթացին: Նա նշեց, որ ընկերությունը հիմնադրվել է 2015 թվականին, որն այժմ 50 աշխատատեղ ունի: Այն զբաղվում է պահածոների եւ չրերի արտադրությամբ: Ընկերության գործունեությամբ էականորեն լուծվում է գյուղացիների բերքի իրացման խնդիրը` միաժամանակ նպաստելով տեղական արտադրության ծավալների ավելացմանը: Մթերվում են բանջարեղենի եւ մրգերի տեսականիներ՝ ծիրան, դեղձ, ելակ, մոշ, ազնվամորի, ընկույզ, սերկեւիլ, թուզ, կեռաս, լոլիկ, սմբուկ եւ այլն:
Տնօրենը ներկայացրեց ընդլայնման նոր ծրագիրը: Ներկայումս արտադրանքն արտահանվում է հիմնականում ռուսական շուկա: Առաջարկներ ունեն նաեւ Իսրայելից, Կանադայից, ԱՄՆ-ից: Նրանց հետ համագործակցելու համար միջազգային որոշակի չափանիշերի պետք է բավարարեն եւ այս հարցում ակնկալում են մարզպետի աջակցությունը:
Մարզպետին ներկայացվեցին նաեւ արտադրության ընդլայնման հետ կապված մի շարք այլ խնդիրներ: Դրանցից են՝ պահեստային տարածքների տեխնիկական պայմանների ապահովումը, գործարանի հատակի վերանորոգումը, չրերի արտադրամասի վերագործարկումը: Այս պայմանները ապահովելու դեպքում հնարավորություն կստեղծվի ոչ միայն ընդլայնել արտադրությունը, այլեւ՝ նոր աշխատատեղեր ստեղծել:
Աշոտ Սիմոնյանը հանձնարարեց ի մի բերել առկա հիմնախնդիրները եւ խոստացավ առաջիկայում դրանց լուծման համար աջակցության հնարավություններ գտնել:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2018-11-14 16:56:58