Արագածոտնի մարզպետի աշխատակազմ

Հուլիսի 27-ին Արագածոտնի մարզպետարանից Ծաղկաձորի ,,ԼԱՎԱ աղբյուր,, մանկական ճամբար ճանապարհվեց երեխաների վերջին խումբը՝ բաղկացած 125 հոգուց: Նրանք այնտեղ կմնան մինչեւ օգոստոսի 15-ը:
Երեխաների ամառային հանգիստը կազմակերպվում է կառավարության ծրագրով, որի համակարգման ողջ գործընթացն իրականացնում է մարզպետարանը: Ճամբարը նախատեսված է զոհված եւ վիրավոր ազատամարտիկների, սոցիալապես անապահով, նպաստառու, միակողմանի եւ երկկողմանի ծնողազուրկ, բազմազավակ ընտանիքների երեխաների համար:
Մարզպետ Աշոտ Սիմոնյանի հանձնարարությամբ մարզպետարանում նախապես ուսումնասիրվում են շահառուների տվյալները, եւ ցուցակների մեջ ներառվում են բացառապես համապատասխան կարգավիճակ ունեցող երեխաները: Ապահովվում է նրանց դեպի ճամբար տեղափոխումը եւ այնտեղից վերադարձը: Ճանապարհին նրանց ուղեկցում են մարզպետարանի աշխատակիցները, բուժաշխատողները եւ ոստիկանությունը:
Այս տարի Ծաղկաձորում 3 հերթափոխով ընդհանուր առմամբ հանգստացավ 355 երեխա: