Նորություններ
Հանդիպում մարզպետարանում ` երեխաների պաշտպանությամբ զբաղվող մասնագետների համար
07.07.2018
Արագածոտնի մարզպետարանում տեղի ունեցավ քննարկում ,,ՀՀ-ում երեխաների պաշտպանության համակարգի բարեփոխումները,, թեմայով: Հանդիպմանը մասնակցում էին մարզպետարանի աշխատակազմի ընտանիքի, կանանց եւ երեխաների իրավունքների պաշտպանության բաժնի աշխատակիցները. առողջապահության, սոցիալական ոլորտի պատասխանատուներ, համայնքների խնամակալության եւ հոգաբարձության հանձնաժողովների հարցերով զբաղվող մասնագետներ, ՍԱՏԳ-ների, ոստիկանության անչափահասների բաժնի աշխատակիցներ:
Հանդիպման մասնակիցներին ողջունեց մարզպետի տեղակալ Անահիտ Սարգսյանը: Նա կարեւորեց քննարկվող թեման եւ նշեց, որ մարզպետարանը պատրաստակամ է աջակցելու երեխաների խնամքին եւ պաշտպանությանը միտված յուրաքանչյուր նախաձեռնության:
,,Երեխաների պաշտպանության ցանց,, ՀԿ-ի փորձագետները ներկայացրին ՀՀ-ում երեխաների խնամքի եւ պաշտպանության շուրջօրյա հաստատությունների վերակազմավորման բարեփոխումները, խնամատար ինստիտուտի ձևավորումը, գործարկման մեխանիզմները: