Նորություններ
Հայտնի են ,,Լավագույն մարզական ընտանիք,, մրցույթի մարզային փուլի հաղթողները
26.06.2018
Հունիսի 23-24-ը Արագածոտնի մարզում անցկացվեց ՀՀ Նախագահի մրցանակի համար ,,Լավագույն մարզական ընտանիք,, միջոցառման մարզային փուլը: ՀՀ սպորտի եւ երիտասարդության հարցերի նախարարության եւ Արագածոտնի մարզպետարանի կողմից կազմակերպված մրցույթին մասնակցեցին Աշտարակի, Ապարանի եւ Թալինի տարածքային փուլերում հաղթող ճանաչված ընտանիքները։
Մարզային փուլում 1-ին, 2-րդ եւ 3-րդ տեղերը զբաղեցրած ընտանիքները նախարարության կողմից պարգեւատրվեցին դրամական պարգեւներով եւ հավաստագրերով: 12 ընտանիք մարզային փուլում հաղթող ճանաչվեց եւ իրավունք ձեռք բերեց մասնակցելու մրցույթի հանրապետական փուլին, որը կայանալու է հուլիսի 23-27-ը՝ Ծաղկաձորում։