Նորություններ
Մարզպետը մասնակցեց Աղձքում կառուցվող եկեղեցու հիմքի օծման արարողությանը
13.06.2018
Հունիսի 13-ին մարզպետ Աշոտ Սիմոնյանը մասնակցեց Սուրբ Կարապետ անվամբ նորակառույց եկեղեցու հիմքի օծման արարողությանը: Եկեղեցին կառուցվում է Աղձքի բնակիչներ, հայր եւ որդի Սամվել եւ Կարապետ Մելքոնյանների բարերարությամբ:
Եկեղեցու տարածքի համար ընտրվել է Աղձքից դեպի Տեղեր ընկած ճանապարհահատվածը:
Հիմքի օծման արարողությունը կատարվեց Արագածոտնի թեմի առաջնորդ Տ. Մկրտիչ եպս. Պռոշյանի կողմից եւ թեմի հոգեւորականների մասնակցությամբ: Հիմքում դրվեց օծված 16 քար: Մարզպետ Աշոտ Սիմոնյանի ձեռամբ դրվեց արեւմտյան հիմնական մուտքի օծված քարը:
Հիմնարկեքից անմիջապես հետո կսկսվի շինարարությունը, եւ աղձքեցիները շատ շուտով իրենց սեփական աղոթատեղին կունենան: