Նորություններ
Արագածոտնի մարզում տեղի ունեցան ՏԻՄ ընտրություններ
11.06.2018
Հունիսի 10-ին Արագածոտնի մարզում ՏԻՄ ընտրությունների օր էր: Դավթաշեն, Դպրեվանք, Անտառուտ, Նոր Արթիկ համայնքներում կայացան համայնքի ղեկավարի, իսկ Դավթաշեն, Դպրեվանք համայնքներում՝ նաեւ ավագանու ընտրություններ: Բոլոր համայնքներում ընտրությունները հերթական էին:
ՀՀ կենտրոնական ընտրական հանձնաժողովը հրապարակել է ընտրությունների նախնական արդյունքները: Նախնական տվյալներով՝ Անտառուտում համայնքապետ է ընտրվել Հովիկ Զաքարյանը, Դավթաշենում՝ Գեւորգ Հովհաննիսյանը, Դպրեվանքում՝ Արամայիս Կասաբովը, Նոր Արթիկում՝ Վարդգես Ներսիսյանը:
Բոլոր համայնքներում ընտրություններն անցել են հանգիստ, ընտրախախտումների վերաբերյալ բողոք-դիմումներ չեն ստացվել: