Նորություններ
Ինտելեկտուալ մրցույթ՝ նվիրված Առաջին Հանրապետության եւ Մայիսյան հերոսմարտերի 100-ամյակին
31.05.2018
Առաջին Հանրապետության եւ Մայիսյան հերոսամարտերի 100-ամյակին նվիրված տոնակատարությունների շրջանակում մայիսի 29-ին Աշտարակի Պերճ Պռոշյանի անվան հիմնական դպրոցում կայացավ ինտելեկտուալ մրցույթ: Մասնակցեցին Աղձքի միջնակարգ դպրոցի ,,Արշակունիներ,, , Շենավանի միջնակարգ դպրոցի ,,Անուրջներ,, եւ Եղիպատրուշի միջնակարգ դպրոցի ,,Դրո,, թիմերը:
Տարբեր տարիքի աշակերտներն իրենց գիտելիքներով մրցեցին հայոց պատմություն եւ հայ գրականություն առարկաներից: Մրցապայքարը ընդմիջվում էր հայրենասիրական խրոխտ երգերի ու պարերի կատարումներով:
Մրցույթի կազմակերպման նախաձեռնությունը Արագածոտնի մարզպետարանի կրթության, մշակույթի եւ սպորտի վարչության կրթության բաժնինն էր: Նախապես կազմված թեմատիկ հարցերը թաքնված էին հայոց այբուբենի տառերի ներքո, որոնք ընտրում էին իրենք՝ թիմերը եւ տալիս պատասխաններ: Աշակերտները դրսեւորեցին խորը գիտելիքներ՝ երբեմն տալով ավելի ծավալուն եւ հիմնավոր տեղեկատվություն:
Միավորների ընդհանուր հաշվարկով առաջին տեղը գրավեց Եղիպատրուշի թիմը եւ արժանացավ պատվոգրի: Մյուս երկու թիմերին հանձնվեցին շնորհակալագրեր: Բոլոր մասնակիցներին ընծայվեցին նաեւ հետաքրքրաշարժ գրքեր: