Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արագածոտնում անցկացվեց շտաբային ուսումնավարժություն
12.04.2018
Արագածոտնի մարզի արտակարգ իրավիճակներում բնակչության պաշտպանության եւ քաղաքացիական պաշտպանության համակարգերի նախապատրաստման 2018 թվականի հիմնական միջոցառումների պլանի համաձայն՝ ապրիլի 12-ին մարզում անցկացվեց շտաբային ուսումնավարժություն:
Գործողությունների համար ընտրվել էր ,,Հայկական ատոմային էլեկտրակայանի միջուկային եւ ճառագայթային ընդհանուր վթարի դեպքում բնակչության պաշտպանության կազմակերպումը եւ իրականացումը,, թեման:
Ուսումնավարժությունը ղեկավարում էր մարզպետ Աշոտ Սիմոնյանը: Ղեկավարման շտաբի պետն էր ՀՀ արտակարգ իրավիճակների նախարարության աշխատակազմի փրկարար ծառայության Արագածոտնի մարզային փրկարարական վարչության պետ Կարապետ Մարգարյանը: ՈՒսումնավարժության մեջ ներգրավված էին արտակարգ իրավիճակների նախարարության աշխատակազմի փրկարար ծառայության Արագածոտնի մարզային փրկարարական վարչությունը, Արագածոտնի մարզի արտակարգ իրավիճակներում մշտական գործող հանձնաժողովը, մարզի տարհանման հանձնաժողովը, պետական, մարզային կառույցների ներկայացուցիչները:
Մարզպետ Աշոտ Սիմոնյանը կարեւորեց ուսումնավարժության նշանակությունը եւ մասնակիցներին հորդորեց՝ լրջորեն մոտենալ առաջադրված խնդրին, իրավիճակով պայմանավորված՝ առավելագույն պատասխանատվություն ու կազմակերպվածություն դրսեւորել:
Ուսումնավարժությունն անցկացվեց երկու փուլով: Ստորաբաժանումների ներկայացուցիչները միջանկյալ հանձնարարականներ ստացան եւ դրանց լուծման վերաբերյալ ներկայացրին իրենց գործողությունների ուղղությունները:
