Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կայացավ ՀՀ Արագածոտնի մարզի հաշմանդամություն ունեցող անձանց հարցերով զբաղվող մարզային հանձնաժողովի ընդլայնված նիստը
06.02.2018
Փետրվարի 6-ին կայացավ ՀՀ Արագածոտնի մարզի հաշմանդամություն ունեցող անձանց հարցերով զբաղվող մարզային հանձնաժողովի ընդլայնված նիստը: Հանձնաժողովի անդամներից բացի, նիստին մասնակցում էին Արագածոտնի մարզպետի տեղակալ Նունե Մովսիսյանը, աշխատանքի եւ սոցիալական հարցերի նախարարության պատասխանատուներ, հաշմանդամությամբ զբաղվող հասարակական կազմակերպությունների ղեկավարներ, ներառական դպրոցների տնօրեններ:
Քննարկվեցին Հաշմանդամություն ունեցող անձանց իրավունքների մասին կոնվենցիայի, «Հաշմանդամություն ունեցող անձանց իրավունքների պաշտպանության եւ սոցիալական ներառման մասին» ՀՀ օրենքի նախագծի, Հաշմանդամություն ունեցող անձանց սոցիալական ներառման 2017-2021թթ. համալիր ծրագրի մասին հարցերը եւ ոլորտում իրականացվող այլ ծառայություններին առնչվող խնդիրներ:
Մասնակիցները քննարկված հարցրերի շուրջ կատարեցին իրենց հարցադրումները: Բոլոր դիտարկումների եզրահանգումը մեկն էր՝ համակարգում առկա խնդիրները բազմաթիվ են, որոնք բոլորն էլ կարեւոր եւ առաջնային են: Դրանք արագ լուծելի են, եթե կա ցանկություն, կամք, միասնական մտածելակերպ եւ գործունեություն:
