Նորություններ
,,Դիակոնիա,,-ի հերթական ծրագիրը՝ Արագածոտնում
26.01.2018
Արագածոտնի մարզում հերթական ծրագիրն իրականացրեց ,,Դիակոնիա,, բարեգործական հիմնադրամը: ,,Սնունդօգնություն,, ծրագրի շրջանակում սոցիալապես անապահով ընտանիքներին հատկացվեց տարատեսակ սննդի պարունակությամբ արկղներ:
Ծրագիրն իրականացվեց Աշտարակում եւ Ապարանում՝ այդ տարածաշրջանների համայնքների համար: Աշտարակում շահառուները 40 ընտանիք էր, իսկ Ապարանում՝ 250:
Մարզպետարանի համապատասխան վարչության մասնագետները նախապես ուսումնասիրել էին մարզպետին քաղաքացիների կողմից ուղղված դիմումները եւ ըստ այդմ ընտրություն կատարել:
Մարզպետի հանձնարարությամբ համագործակցված աշխատանք է տարվում ոչ միայն ,,Դիակոնիա,,-ի, այլեւ՝ միջազգային բարեգործական այլ կազմակերպությունների հետ: