Նորություններ
Աջակցություն՝ նպաստառու ընտանիքներին
01.12.2017
Դեկտեմբերի 1-ին Արագածոտնի մարզում հերթական ծրագիրն իրականացրեց ,,Արմենիան Լայթհաուս,, բարեգործական կազմակերպությունը: Մարզպետ Աշոտ Սիմոնյանի հանձնարարությամբ մարզպետարանի աշխատակազմի սոցիալական աջակցության Աշտարակի տարածքային գործակալության հետ համատեղ նախապես ճշտվել էր շահառուների ցուցակը, հստակեցվել ընտանիքների կազմն՝ ըստ բոլոր տարիքային խմբերի: Շահառուների մեջ առաջնայնությունը տրվել է ծնողազուրկներին, հաշմանդամություն ունեցող անձանց, ինչպես նաեւ զինծառայողների եւ բազմազավակ ընտանիքներին՝ ելնելով նրանց անապահովության միավորների աստիճանից:
Ընդհանուր առմամբ 100 անապահով ընտանիքի համար պատրաստվել էին հագուստի փաթեթներ: Այդ թվում՝ ձմեռային մուշտակներ եւ կոշիկներ: Ընդ որում, հագուստ ստացան ընտանիքների բոլոր անդամները: Աջակցության բաշխումը կատարվեց տեղում, ծրագրի ներկայացուցիչների կողմից:
Մարզում ,,Արմենիան Լայթհաուս,,-ը գործունեության լավ ավանդույթներ ունի: Ծրագրի շրջանակների մեջ է մտնում ոչ միայն հագուստի, սննդի եւ առաջին անհրաժեշտության այլ պարագաների տրամադրումը, այլեւ բարեգործական տարաբնույթ նախագծեր են իրականացվում: