Նորություններ
Մարզպետն աշխատանքային խորհրդակցություն հրավիրեց
08.11.2017
Մարզպետ Աշոտ Սիմոնյանը նոյեմբերի 8-ին հրավիրեց հերթական խորհրդակցությունը, որտեղ քննարկվեցին ընթացիկ աշխատանքների հետ կապված հարցեր:
Աշխատակազմի ղեկավար Հր. Գեւորգյանը ներկայացրեց պետական կառավարման մարմիններից, այլ գերատեսչություններից եւ մարզպետի կողմից տրված հանձնարարականները, եւ դրանց կատարման մասին զեկուցեցին ստորաբաժանման ղեկավարները:
Աշոտ Սիմոնյանը քաղաքաշինության վարչության պետ Ա. Դավայանից հետաքրքվեց հրատապ ծրագրի շրջանակում իրականացվող աշխատանքների ընթացքի մասին: Մարզպետին զեկուցվեց, որ ծրագրի մեջ ընդգրկված գրեթե բոլոր համայնքներում աշխատանքներն ավարտված են՝ բացառությամբ 4-ի, որոնցում դրանք կավարտվեն մինչեւ շաբաթվա վերջը: Աղբահանության կազմակերպման վերաբերյալ էլ մարզպետը տեղեկացավ, որ համայնքների հետ ամենօրյա աշխատանք է տարվում պայմանագրերի կնքման, ինչպես նաեւ սանիտարական մաքրման գործընթացն ապահովելու ուղղությամբ:
Նոյեմբերի 5-ին կայացած ՏԻՄ ընտրությունների եւ համայնքների խոշորացման գործընթացի կազմակերպման, դրա հետ կապված մի շարք խնդիրների մասին զեկուցեց ՏԻՄ ՀԳՄՏԾԳՀ վարչության պետ Ս. Հովսեփյանը: Նշվեց նորաստեղծ խոշորացված համայնքների գործունեությունը բացառապես օրենսդության պահանջներին համահունչ եւ ճշգրիտ կազմակերպելու, տեղական ինքնակառավարմանը բնակչությանը մասնակից դարձնելու անհրաժեշտությունը: Մարզպետը դրանց վերաբերյալ համապատասխան հանձնարարականներ տվեց եւ հորդորեց առկա խնդիրները մեկ առ մեկ ի մի բերել ու հետագայում բացառել դրանց առկայությունը: