Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզպետ Գաբրիել Գյոզալյանը մասնակցեց հինգերորդ Հայ-ռուսական միջտարածաշրջանային և Եվրասիական գործընկերության միջազգային համաժողովների աշխատանքներին
15.10.2016
Հոկտեմբերի 14-ին Մարզպետ Գաբրիել Գյոզալյանը մասնակցեց հինգերորդ Հայ-ռուսական միջտարածաշրջանային եւ Եվրասիական գործընկերության միջազգային համաժողովների աշխատանքներին:
Վարչապետ Կարեն Կարապետյանի եւ Ռուսաստանի Դաշնության տրանսպորտի նախարար, Հայ-ռուսական տնտեսական միջկառավարական հանձնաժողովի համանախագահ Մաքսիմ Սոկոլովի ներկայությամբ ստորագրվեցին հայ-ռուսական փոխգործակցությանն առնչվող փաստաթղթեր: Մասնավորապես, ՀՀ կառավարության և Ռոստովի նահանգի միջև ստորագրվել է առևտրատնտեսական, գիտատեխնիկական և մշակութային ոլորտներում համագործակցության համաձայնագիր, Գեղարքունիքի մարզի եւ Օմսկի նահանգի կառավարության միջև ստորագրվեցին առևտրատնտեսական, գիտատեխնիկական և սոցիալական ոլորտներում համագործակցության համաձայնագիր: հայկական եւ ռուսական կողմերի միջեւ ստորագրվեցին նաեւ ենթակառուցվածքային, կրթական, գիտատեխնիկական ներդրումային ոլորտներին անռչվող այլ համաձայնագրեր:
Եվրասիական գործընկերության միջազգային համաժողովն անցկացվեց ՀՀ կառավարության եւ Եվրասիական տնտեսական հանձնաժողովի աջակցությամբ: ԵԳՄՀ նպատակն է նպաստել Եվրասիական տարածաշրջանում երկկողմ և բազմակողմ տնտեսական համագործակցությանն ուղղված ինտեգրացիոն գործընթացների զարգացմանը:
