Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ապրիլյան պատերազմում զոհված Ռաֆիկ Հակոբյանի ընտանիքին հատկացվել է գումար` բնակարան ձեռք բերելու նպատակով
08.10.2016
ՀՀ պաշտպանության նախարարությունում գործող հաշմանդամ դարձած զինծառայողներին եւ զոհված /մահացած/ զինծառայողների ընտանիքներին, նրանց հավասարեցված անձանց անհատույց պետական ֆինանսական աջակցություն տրամադրող հանձնաժողովի որոշմամբ Արագածոտնի մարզի Ապրիլյան պատերազում զոհված, կարմրաշենցի Ռաֆիկ Հակոբյանի ընտանիքին հատկացվել է 3.618.000 դրամ: Գումարը ընտանիքին տրամադրվել է` բնակարան ձեռք բերելու նպատակով:
Արագածոտնի մարզը Ապրիլյան պատերազմում 3 զոհ է տվել. ժամկետային զինծառայողներ` կարմրաշենցի Ռաֆիկ Հակոբյանը, վարդաբլուրցի Միշա Աղաջանյանը եւ արտաշավանցի Քյարամ Սլոյանը, որոնց հիշատակը ըստ արժանվույն է հարգվում եւ պահպանվում մարզում:
Զոհված զինվորների ընտանիքները մշտապես գտնվում են մարզի ղեկավարության ուշադրության կենտրոնում: Ինչպես նրանց, այնպես էլ զոհված ազատամարտիկների ընտանիքների անդամներին պարբերաբար ընդունում է մարզպետ Գաբրիել Գյոզալյանը եւ հնարավորինս աջակցում նրանց հուզող տարաբնույթ հարցերի լուծմանը:
