Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Արագածոտնի մարզպետ Գաբրիել Գյոզալյանի ուղերձը Ուսուցչի օրվա կապակցությամբ
05.10.2016
Սիրելի’ ուսուցիչներ, շնորհավորում եմ ձեզ` Ուսուցչի օրվա կապակցությամբ:
Մեր երկրի տոնացույցի մեջ բազմաթիվ մասնագիտական տոներ կան: Դրանց մեջ Ուսուցչի օրը առանձնանում է նրանով, որ այն մենք բոլորինս ենք համարում, ընկալում իբրեւ համապետական տոն:
Մենք առանձնակի ակնածանքով ենք վերաբերում ուսուցիչներին` յուրաքանչյուրս այդ կերպարի մեջ տեսնելով մեր առաջին ուսուցչին, դեպի գիտելիքների աշխարհն ուղեկցող մեր սիրելի մանկավարժներին:
Դուք ձեր իմաստնությամբ ու բարությամբ, համբերատարությամբ ու անձնուրացությամբ կրթում ու դաստիարակում եք մատաղ սերնդին` նրանց փոխանցելով ձեր գիտելիքներն ու հմտությունները, ձեր մեծ հոգու մի մասնիկը:
Որքան էլ դժվար ու պատասխանատու լինի ձեր գործը, միեւնույն է, դուք այն կատարում եք անսահման սիրով ու նվիրվածությամբ: Այսօր այն օրն է, երբ մենք այդ ամենի համար մեր գնահատանքն ու երախտիքն ենք արտահայտում:
Սիրելի’ ուսուցիչներ, կրկին շնորհավորում եմ ձեզ: Մաղթում եմ առողջություն, խաղաղություն, հաջողություններ ու նորանոր ձեռքբերումներ ձեր դժվարին, բայց պատվաբեր ու շնորհակալ գործում:
