Նորություններ
Մարզպետն այցելեց Թալինի տարածաշրջանի համայնքներ
07.09.2016
Քաղաքացիների ընդունելությունների կազմակերպման ժամանակացուլցի համաձայն Արագածոտնի մարզպետ Գաբրիել Գյոզալյանն այցելեց Թալինի տարածաշրջանի համայնքներ: Նա հանդիպեց Թաթուլի, Ցամաքասարի, Սուսերի, Հացաշենի, Զարինջայի, Նոր Արթիկի բնակիչների հետ:
Գյուղացիներին առավելապես հուզում էին հացահատիկի սերմացուների տրամադրման, կարկտահարության պատճառած վնասների հետեւանքների վերացման, բուժօգնության,աշխատանքային, սոցիալական բնույթի մի շարք հարցեր:
Բարձրացված հարցերի վերաբերյալ մարզպետը անհրաժեշտ պարզաբանումներ կատարեց, նշեց դրանց լուծման հետ կապված հնարավորությունները: Բնակիչներից մեծ մասը մարզպետին դիմեց դրամական աջակցության խնդրով: Ընդհանուր առմամբ, 645 հազար դրամի չափով օգնություն տրամադրվեց 25 դիմումատուի:
Առաջիկայում կկայանա մարզպետի այցը Ապարանի եւ Արագածի տարածաշրջաններ: