Նորություններ
Շնորհակալագրեր` ԼՂՀ ՊԲ-ից
18.05.2016
Ապրիլյան պատերզամի առաջին իսկ օրերից Արագածոտնի մարզը բոլոր ոլորտներում իր աջակցությունն է ցուցաբերել ռազմական գործողություններին մասնակից ուժերին: Մարզպետ Գաբրիել Գյոզալյանը համակարգում է բոլոր համայնքների, կրթական, առողջապահական, հասարակական, մարզային ենթակայության կազմակերպությունների, անհատ բարերարների կողմից իրականացվող նախաձեռնությունները:
Իրականացված աշխատանքները գնահատանքի են արժանանում Արցախի հանրապետության կառավարության, Պաշտպանության բանակի ղեկավարության կողմից: ԼՂՀ ՊՆ N զորամասի հրամանատար, գնդապետ Ս. Գրիգորյանի կողմից մարզպետին է ուղարկվել շնորհակալագիր, որտեղ շնորհակալություն է հայտնվում համայնքների ղեկավարների կողմից մայիսի 6-ին ՊԲ N զորամասի ժամկետային զինծառայողներին անհրաժեշտ պարագաներով ապահովելու համար:
Մեկ այլ նամակ է ստացվել ԼՂՀ ՊԲ գնդապետ Կ. Պետրոսյանից, որտեղ շնորհակալություն է հայտնվում Արագածոտնի մարզպետարանի, մարզի բոլոր համայնքների կողմից Արցախին ցուցաբերած նյութական, ֆինանսական միջոցների տրամադրման, մասնագիտական, բարոյական եւ այլ կարգի օժանդակության համար:
Մարզի կողմից Արցախին ցուցաբերվող աջակցությունը շարունակվում է: