Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ի հիշատակ անհայտ կորածների
29.06.2015
Հունիսի 29-ը Անհայտ կորածների միջազգային օրն է: Այդ կապակցությամբ Արագածոտնի մարզի Արուճի միջնակարգ դպրոցում տեղի ունեցավ հիշատակի արարողություն, որին ներկա էին մարզի ղեկավարությունը, զինվորական, կրթական հաստատությունների, այլ կազմակերպությունների պատասխանատու ներկայացուցիչներ, անհայտ կորածների հարազատները:
Ներկաներն իրենց հարգանքի տուրքը մատուցեցին Արցախյան պատերազմի տարիներին իրենց անձնուրաց նվիրվածությունը դրսեւորած ազատամարտիկներին: Հնչեցին մեծարանքի, երախտագիտության խոսքեր` ուղղված հերոսների հարազատներին: Նրանց հատկացվեց դրամական աջակցություն:
Հանդիսությունը նշանավորվեց եւս մեկ արարողությամբ: Դպրոցի ՆԶՊ առարկայի դասասենյակը անվանակոչվեց դպրոցի նախկին աշակերտ, Արցախյան ազատամարտում հերոսաբար զոհված Նորայր Համլետի Վարդանյանի անվամբ:
