Նորություններ
Մարզպետ Սարգիս Սահակյանի մոտ քննարկվեցին ջրամատակարարման խնդիրներ
19.06.2015
![](http://aragatsotn.mtad.am/files/n_pics/8387_s.jpg)
Արագածոտնի մարզպետ Սարգիս Սահակյանի մոտ տեղի ունեցավ խմելաջրի մատակարարման խնդիրներին նվիրված խորհրդակցություն, որին մասնացում էին ,,Հայջրմուղկոյուղի,, ՓԲԸ գլխավոր տնօրեն Պատրիկ Լորենը, ընկերության մի շարք պատասխանատու մասնագետներ: Մարզպետը հյուրերին ներկայացրեց համակարգում առկա խնդիրները եւ դրանց լուծման համար ակնկալեց ընկերության տնօրենի անմիջական հսկյողությունը:
Խորհրդակցությանը ներկա էին քաղաքային համայնքների` Աշտարակի, Ապարանի եւ Թալինի քաղաքապետերը, Հնաբերդի, Շամիրամի գյուղապատերը: Համայնքների ղեկավարները մանրակրկիտ ներկայացրին իրենց համայնքներում ջրամատակարարման ոլորտում առկա խնդիրները: Մասնագետները դրանց մի մասը պատճառաբանեցին համակարգի մաշվածությամբ, մատակարարվող ջրի անարդյունավետ, անհավասար բաշխմամբ, անհարկի վատնումներով: Նշվեց, որ մի շարք համայնքներում, ինչպես օրինակ Աշտարակ քաղաքում, ջրամատակարարման ընդհատումները կապված են համակարգի` ներկայումս ընթացող բարեկարգման ծրագրի իրականացմամբ: Այդ իրավիճակը, ըստ նրանց, ժամանակավոր է, եւ ծրագրի ամբողջական ավարտից հետո քաղաքի ջրամատակարարումն անհամեմատ կբարելավվի:
Անդրադառնալով բարձրացված հարցերին, մարզպետի եւ Պատրիկ Լորենի միջեւ պայմանավորվածություն ձեռք բերվեց համատեղ այցեր կատարել խնդրահարույց համայնքներ, տեղերում ուսումնասիրել իրավիճակը եւ հարցերին լուծում տալ հնարավորինս արդյունավետ: