Արագածոտնի մարզպետի աշխատակազմ

Մայիսի 12-ին Բազմաղբյուրի` նորերս վերանորոգված մշակույթի տանը տեղի Նվեր Սաֆարյանի անվան դպրոցը կազմակերպել էր միջոցառում «Եթե լռենք, քարերը կաղաղակեն» խորագրով: Այն շարունակությունն էր Հայոց մեծ եղեռնի 100-ամյա տարելիցին նվիրված բազմաթիվ ձեռնարկների, որի մեկնարկը սկսվել էր Անդրանիկ Օզանյանի ծննդյան 150-ամյակի օրը՝ փետրվարի 25-ին: Միջոցառումանը ներկա էր ու մասնակիցներից ողջունեց մարզպետ Սարգիս Սահակյանը:
Դպրոցականների կողմից ներկայացվեց Հայոց 100-ամյա պատմությունը` եղեռնից մինչև մեր օրերը, որի մեջ ընդգրկված էր Բազմաղբյուր գյուղի ստեղծման պատմությունը, հայրենական պատերազմի 70-ամյակը, Շուշիի ազատագրման 23-րդ տարեդարձը, եղեռնից մազապուրծ բազմաղբյուրցիների մասնակցությունն այդ պատմությանը: Այս ամենը ներկայացվեց գեղեցիկ, պատկերավոր խոսքով, ազգային, հայրենասիրական երգ ու պարով, ասմունքով: