Նորություններ
Հայրենական մեծ պատերազմի 70 ամյակը եւ Շուշիի ազատագրման օրը կնշվի Արագածոտնի բոլոր համայնքներում
06.05.2015
Արագածոտնի մարզում նախապատրաստվում են Հայրենական մեծ պատերազմի 70 ամյակի եւ Շուշիի ազատագրման տոնակատարություններին: Մարզպետարանի կողմից կազմակերպված տոնական գլխավոր միջոցառումը կայանալու է մայիսի 9-ին:
Մարզպետ Սարգիս Սահակյանի, պետական կառույցների ղեկավարների ղեկավարների, կրթական, մշակութային, առողջապահական եւ մարզային այլ կառույցների, հասարակական կազմակերպությունների, հանրության մասնակցությամբ մարզկենտրոն Աշտարակ քաղաքի հրապարակից կկազմակերպվի ավանդական քայլերթ` դեպի քաղաքային զբոսայգի, ուր կկայանա տոնական արարողություն: Մարզպետարանի, այլ կազմակերպությունների կողմից կտեղադրվեն ծաղկեպսակներ եւ ծաղիկներ կհնչի հայրենասիրական երգ , երաժշտություն:
Տոնական միջոցառումներ են նախապատրաստվում նաեւ մարզի մարզի բոլոր համայնքներում, դպրոցներում, մշակույթի օջախներում: Կատարվելու են այցելություններ դեպի համայնքներում գտնվող Հայրենական եւ Արցախյան պատերազմի զոհվածների հիշատակը հավերժացնող հուշահամալիրներ, կազմակերպվելու են վետերանների մեծարման երեկոներ: