Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հիշատակի միջոցառում Արագածում` Հայոց ցեղասպանության 100 ամյակի առթիվ
17.04.2015
,,Այսքան արյուն թե մեզ ներեն մեր որդիք, թող ողջ աշխարհն հային կարդա նախատինք,,. այս խորագիրն էր կրում միջոցառումը, որ կայացավ ապրիլի 17-ին Արագած համայնքում: Մշակույթի տան դահլիճը լեփ-լեցուն էր բազնաթիվ հյուրերով, համագյուղացիներով: Մասնակցում էր նաեւ Արագածոտնի մարզպետ Սարգիս Սահակյանը:
Թեմային համահունչ կերպարի մեջ էր դահլիճը, որի մի անկյունում ներկայացված էր Ծիծեռնակաբերդի հուշահամալիրի մանրակերտը, շուրջը` վառվող մոմերով:
20-րդ դարասկզբի հայոց պատմության եղերական իրադարձությունների, 1915 թվականի ցեղասպանության մասին էր պատմական ակնարկը, որը զուգորդվեց ոճրագործությունը վկայող բազմաթիվ փաստագրական սահմռկեցուցիչ լուսանկարների ցուցադրությամբ: Երգ, պար, ասմունք, մանրապատումային ներկայացումներ: Ողջը նվիրված էր Հայոց ցեղասպանության թեմային, միլիոնավոր անմեղ զոհերի ոգեկոչմանը: Գաղափարախոսության հիմքում, ի վերջո, կրակներից ու մոխիրներից վերընձյուղված հայ ժողովրդի անկոտրում ոգու փառաբանումն էր, վրեժի եւ պահանջատիրության հաստատակամությունը:
