Նորություններ
Արագածոտնի մարզի Եղնիկ և Թաթուլ համայնքների 160 երեխա նվերներ ստացավ
15.01.2015
![](http://aragatsotn.mtad.am/files/n_pics/7175_s.jpg)
Ամանորյա տոնական օրերին հաճելի անակնկալ մատուցվեց Արագածոտնի մարզի Եղնիկ և Թաթուլ համայնքների երեխաներին: Մարզպետ Սարգիս Սահակյանի աջակցությամբ եւ Ադվենտիստական Զարգացման և Օգնության Կազմակերպության հայաստանյան մասնաճյուղի նախաձեռնությամբ (ADRA Armenia) իրականացվեց բարեգործական հերթական ձեռնարկը:
Ծրագրի թեման այս անգամ Սուրբ Ծնունդն էր, որի առթիվ ADRA-ն պատրաստել էր մանկական ծրագիր` Սուրբ Ծննդյան երգեր եւ բեմադրություն, որը կատարեցին ADRA-ի փոքրիկ կամավորները: Իրենց ելույթով ակտիվ մասնակցություն ունեցան նաև Եղնիկ համայնքի մանուկները:
Ծրագրի շրջանակներում եղնիկցի եւ թաթուլցի 2-12 տարեկան 160 երեխա ստացավ նվերներ:
Նշենք, որ անցած տարվա աշնանը ADRA Armenia-ն նույն համայնքներում ջրամատակարարման բարեգործական ծրագիր է իրականացրել: Կառուցվել է խմելու ջրի եւ ոռոգման ներքին ցանցի համակարգը: