Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հանդիպում զոհված ազատամարտիկների ընտանիքների հետ
24.12.2014
ՀՀ Արագածոտնի մարզպետարանի, Թալինի քաղաքապետարանի եւ զինկոմիսարիատի նախաձեռնությամբ հանդիպում էր կազմակերպվել Թալինի 46 զոհված ազատամարտիկների ընտանիքների հետ: Հանդիսավոր արարողության ժամանակ Բելգիահայ բարերարներ Ապեր Սարգսյանի, Գրիգոր Բաղդասարյանի եւ Վահան Չաթլբաշյանի կողմից յուրաքանչյուր ընտանիքի հանձնվեց դրամական աջակցություն:
Հանդիպմանը ներկա էին մարզպետ Սարգիս Սահակյանը, հանրապետական զինվորական կոմիսարիատի, քաղաքապետարանի բարձրաստիճան պաշտոնյաներ, բազմաթիվ այլ հյուրեր:
Հնչեցին զոհվածների հիշատակին նվիրված ելույթներ, բարերարներին ուղղվեցին շնորհակալության խոսքեր:
Դիմելով զոհվածների ընտանիքների անդամներին, մարզպետը նշեց, որ զոհվածների կորուստը միայն իրենցը չէ, եւ որ յուրաքայնչուր զինվոր մեր ողջ ժողովրդի հպարտությունն է: Նա շնորհավորեց Ամանորի կապակցությամբ եւ հավաստիացրեց, որ զոհվածների ընտանիքները մշտապես երկրի իշխանության ուշադրության կենտրոնում են:
Հանդիպման ընթացքում տեղի ունեցավ պարգեւատրման արարողություն: Ավարտին քաղաքապետարանի մշակութային համույթների կողմից մատուցվեց համերգ:
