Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Զինծառայողները հանդիպեցին իրենց հարազատների հետ
29.11.2014
ՀՀ Պաշտպանության նախարարությունը անակնկալ էր պատրաստել Արագածոտնի մարզի այն ընտանիքների համար, որոնց զավակները իրենց զինվորական ծառայությունն անց են կացնում Արցախում: Կազմակերպված կերպով կատարվեց նրանց այցելությունը մարզ: Նրանց հետ էին նաեւ ԼՂՀ պաշտպանության նախարար Մովսես
Հակոբյանը, զորամասերի հրամանատարական կազմի ներկայացուցիչները:
Հանդիպումը կայացավ մարզկենտրոն Աշտարակի հրապարակում, որտեղ հարազատների հետ զինվորներին դիմավորեցին մարզպետ Սարգիս Սահակյանը, պետական, զինվորական, ուժային կառույցների, հոգեւոր դասի ղեկավարները:
Սրտառուչ եւ հուզիչ հանդիպումից հետո միջոցառումը շարունակվեց մշակույթի տանը: Մեկ րոպե լռությամբ հարգանքի տուրք մատուցվեց Արցախում վերջին իրադարձությունների արդյունքում զոհված մարտիկների հիշատակին:
Արցախի զինվորականների կողմից պատրաստված գեղարվեստական ներկայացումը պատմում էր հայոց պատմության անցյալի ու ներկայի կարևորագույն իրադարձությունների մասին, անուն առ անուն հիշատակվեցին բոլոր ժամանակների հերոսները, նրանց կատարած սխրագործությունները:
Ներկաներին իր ողջույնի խոսքը հղեց Մովսես
Հակոբյանը, նշելով, որ հանդիպման նպատակը բանակի եւ հասարակության կապի ամրապնդումն է: Նախարարը ընդգծեց, որ Արագածոտնի մարզից իրենց մոտ ծառայող զինվորները մշտապես աչքի են ընկնում իրենց խիզախությամբ, պատրաստվածությամբ եւ որակական լավագույն հատկանիշներով, ինչի համար շնորհակալություն հայտնեց նրանց ծնողներին:
Ողջունելով ներկաներին, մարզպետ Սարգիս Սահակյանը շնորհակալություն հայտնեց նախարարին եւ զինվորականներին, նման նախաձեռնության համար: Նա իր ոգեւորիչ խոսքը ուղղեց զինծառայողներին այն բանի համար, որ արժանապատվորեն են կրում հայոց պետության սահմանապահի իրենց կոչումը, պաշտպանության բանակում բարձր են պահում մարզի պատիվը: Մարզպետը նշեց, որ մենք տարածաշրջանում լավագույն բանակն ունենք, ինչի մասին նաեւ միջազգային շրջանակներն են փաստում, եւ մեջբերեց նախագահ Սերժ Սարգսյանի այն միտքը, որ 1-2 տարի հետո մենք այնպիսի հզոր բանակ կունենանք, որ մեր տարածքից մի քանի տսանյակ անգամ մեծ երկրներն անգամ կերազեին:
-Վստահ եմ, որ մեր խոցված ուղղաթիռի զինվորների մարմինները անկուրստ վերադարձնելու փաստը հպարտությամբ եւ հայրենասիրությամբ լցրեց յուրաքանչյուր հայի սիրտը, -ասաց Սարգիս Սահակյանը:
Օրհնանքի եւ երկրի խաղաղության համար աղոթքի խոսք հղեց Արագածոտնի թեմի առաջնորդ Գերաշնորհ Տ. Մկրտիչ եպս. Պռոշյանը: Հնչեցին շնորհակալության եւ երախտիքի այլ ելույթներ:
Ռազմական գործում ցուցաբերած լավագույն աշխատանքի, օրինակելի ծառայության համար մի խումբ զինվորականների, ծառայողների եւ ծնողների ԼՂՀ պաշտպանության նախարարի կողմից հանձնվեցին պատվոգրեր, մեդալներ, շնորհակալագրեր եւ արժեքավոր նվերներ, իսկ զինորներին տրվեց 5-օրյա արձակուրդ:
