Արագածոտնի մարզպետի աշխատակազմ

Արագածոտնի մարզպետարանում կայացավ Ուսուցչի օրվան նվիրված տոնական միջոցառում, որին մասնակցության համար հրավիրվել էին դպրոցների տնօրենները, ուսուցիչներ, տարբեր տարիներին աշխատած եւ ներկայումս հանգստի անցած վաստակաշատ մանկավարժներ:
Ներկաներին եւ, ի դեմս նրանց, բոլոր մանկավարժներին շնորհավորեց մարզպետ Սարգիս Սահակյանը: Նա ասաց, որ Ուսուցչի տոնը ամենասիրվածներից մեկն է, եւ մարզի ղեկավարությունը, ավանդաբար, այն նշում է մեծ շուքով, հանդիսավոր պայմաններում մեծարում ու գնահատում մանկավարժների աշխատանքն ու վաստակ: Ուսուցչի աշխատանքը ըստ արժանվույն են հատուցում հասարակության բոլոր շերտերը: Երկրի ղեկավարության կողմից արվում է հնարավորինը՝ բարելավելու ուսուցման գործընթացն ու կենսական պայմանները: Բոլոր ուսուցիչներին մարզպետը մաղթեց քաջառողջություն, ընտանեկան երջանկություն եւ արգասաբեր աշխատանք:
Հնչեցին շնորհավորանքի այլ ելույթներ, ասվեցին բարեմաղթանքներ եւ երախտագիտության խոսքեր: Իրենց շնորհակալությունը հայտնեցին նաեւ ուսուցիչները եւ հավաստիացրին, որ մանկավարժության ուղին իրենք կանցնեն ամենայն սիրով, պատասխանատվությամբ ու նվիրումով:
Կրթության գործում ունեցած ձեռքբերումների համար մի խումբ մնակավարժներ պարգվեւատրվեցին մարզպետի պատվոգրով եւ նվերներով: Վաստակաշատ մի խումբ մանկավարժների շնորհավորեց եւ նվերներ հանձնեց ՀՀԿ  կազմակերպությունը:
Ուսուցիչներին իրենց երաժշտական կատարումներով շնորհավորեցին հանրապետական տարբեր մրցույթներում մասնակցություն ունեցած եւ հաղթանակներ տարած դպրոցականները: