Արագածոտնի մարզպետի աշխատակազմ

Արագածոտնի մարզպետարանում հուլիսի 24-25-ը կայացավ ,, Վորլդ Վիժըն-Հայաստան,, կազմակերպության երկօրյա սեմինար, որին մասնակցում էին Թալինի եւ Ապարանի տարածաշրջանների համայնքների ղեկավարներ, դպրոցների, բուժամբուլատորիաների, բժշկական կենտրոնների տնօրեններ, հասարակական կազմակերպությունների ներկայացուցիչներ: Նրանք ներկայացնում էին այն 46 համայնքները, որտեղ ընդլայնված գործունեություն է ծավալում կազմակերպությունը:
Մինչ աշխատանքների սկսվելը, ,, Վորլդ Վիժըն-Հայաստան,,-ի Արագածոտնի մասնաճյուղի պատասխանատու Լիաննա Սարգսյանին ընդունեց մարզպետ Սարգիս Սահակյանը: Նա կարեւորեց կազմակերպության գործունեությունը մարզում եւ նշեց այդ շրջանակների ընդլայնման հնարավորությունը:
Այնուհետեւ, բացելով սեմինարը, Լիաննա Սարգսյանը մասնակիցներին ներկայացրեց վերջին 5 տարվա ընթացքում իրենց կողմից կատարված աշխատանքները, որոնք ներառում են կրթական, առողջապահական, սոցիալական ոլորտները, ներհամայնքային տարբեր բնագավառներ: Ներկայացվեց նաեւ նոր համայնքների եւ գաղափարների ընդլայնման հեռանկարները: Ներկաների կողմից, հատկապես, հետաքրքրություն առաջացրեց ներառական կրթությանը վերաբերող ծրագրերը:
Սեմինարին մասնակցում էին փոխմարզպետ Նունե Մովսիսյանը, մարզպետարանի ստորաբաժանումների ղեկավարները: Իրենց հետաքրքրությունների շրջանակում նրանք ներկայացրին նոր առաջարկություններ: