Արագածոտնի մարզպետի աշխատակազմ

ՀՀ Ազգային Ժողովի գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախաձեռնությամբ եւ Արագածոտնի մարզպետ Սարգիս Սահակյանի աջակցությամբ Արագածոտնի մարզի 26 երեխա այցելեց Սերգեյ Փարաջանովի թանգարան: Խմբի մեջ էին Ապարանի արվեստի, Աշտարակի գեղարվեստի, ինչպես նաեւ Արագածավանի թիվ 1 եւ Աշտարակի թիվ 3 դպրոցների աշակերտները եւ 5 պատասխանատուները՝ փոխմարզպետ Նունե Մովսիսյանի ղեկավարությամբ:
Թանգարանում երեխաների համար կազմակերպվեց էքսկուրսիա, եւ նրանք գործնական բացատրություններ ստացան փարաջանովյան արվեստի վերաբերյալ: Ստացած գիտելիքները երեխաները կօգտագործեն համանման կոլլաժներ պատրաստելիս:
Իրենց ուսուցիչների հետ նրանք նախապատրաստվում են օգոստոսի 20-ին ԱԺ-ում կայանալիք թեմատիկ ցուցահանդեսին: Նախապատրաստական աշխատանքներն արդեն սկսված են: Ընտրվել է 10 լավագույն աշխատանք, որոնց կավելանան նորերը, եւ մարզը հավուր պատշաճի կներկայանա ցուցահանդեսին: