Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀԿ Արագածոտնի տարածքային կազմակերպության պատվիրակությունը մասնակցեց ՀՀԿ 15-րդ համագումարին
26.05.2014
ՀՀԿ Արագածոտնի տարածքային կազմակերպության պատվիրակությունը մասնակցեց ՀՀԿ 15-րդ համագումարին: Պատվիրակությունը բաղկացած էր 44 անդամից, որը ղեկավարում էր ՀՀԿ Արագածոտնի տարածքային կազմակերպության խորհրդի նախագահ, մարզպետ Սարգիս Սահակյանը:
Համագումարում մարզի պատվիրակության կողմից ելույթ ունեցավ Աշտարակի Սմբատ Շահազիզի անվան թիվ 2 հիմնական դպրոցի ուսուցչուհի Նարինե Մեսրոպյանը: Նա մի քանի հիմնախնդիրներ բարձրացրեց, որից մեկը վերաբերում էր կոոպերատիվների ստեղծման գաղափարին: Այն մարզում արդեն իրագործման ընթացքի մեջ է, ինչը միջազգային կազմակերպությունների հետ համագործակցելու լուրջ խթան է: Մեկ այլ հարցադրումով առաջարկություն արվեց, որ կառավարության անդամները եւ ԱԺ պատգամավորները մարզ այցելություններ կատարեն ոչ միայն որոշակի անհրաժեշտություններից ելնելով, այլեւ հստակ ժամանակացույցով՝ ամիսը մեկ անգամ: Դա հնարավորություն կտա նրանց անձամբ իրազեկվելու տեղերում առկա խնդիրներին, եւ դրանց լուծման գործնական քայլեր կձեռնարկվեն:
