Արագածոտնի մարզպետի աշխատակազմ

Ապրիլի 26-ին Արագածոտնի մարզի հանրակրթական դպրոցների 12-րդ դասարանի 93 աշակերտ այցելեց ՀՀ Նախագահի նստավայր: Երեք մասից բաղկացած խմբերը ղեկավարում էին փոխմարզպետ Նունե Մովսիսյանը եւ այլ պատասխանատուներ:
Նախագահականում աշակերտների համար կազմակերպվեց շրջայց 13 դահլիճներում, որտեղ նրանք ծանոթացան կառույցի պատմությանը, իրազեկվեցին հետաքրքիր մանրամասների:
Այնուհետեւ ստացած տպավորությունների, ինչպես նաեւ իրավական գիտելիքների վերաբերյալ իրենց իմացության շուրջ աշակերտները գրեցին թեսթային աշխատանք, որտեղ դրսեւորվեց նրանց ինտելեկտուալ կարողությունը եւ այն արտահայտելու ունակությունները: Ի հիշատակ այցելության, աշակերները ստացան նվերներ:
Ծրագրի շրջանակում աշակերտները այցելեցին նաեւ Հովհաննես Թումանյանի տուն -թանգարան եւ պատմության թանգարան: Այստեղ եւս դպրոցականները հետաքրքիր ժամանց ունեցան եւ վերադարձան հարուստ տպավորություններով: