Նորություններ
Ապրիլի 19-ը Արագածոտնի մարզում համընդանուր շաբաթօրյակի օր է
14.04.2014
ՀՀ Արագածոտնի մարզպետ Սարգիս Սահակյանի կարգադրությամբ ապրիլի 19-ին մարզում հայտարարված է համընդանուր շաբաթօրյակ: Համայնքապետարանների, կրթական եւ առողջապահական հիմնարկների, պետական, հասարակական այլ կառույցների աշխատակիցները, համայնքների բնակիչները կմասնակցեն տարածքի մաքրման, բարեկարգման աշխատանքներին:
Կմաքրվեն, կբարեկարգվեն Հայրենական եւ Արցախյան պատերազմներում զոհվածների հիշատակին կառուցված հուշարձանները, հուշահամալիրները ու դրանց շրջակայքը, կկատարվի ծառատունկ, կկատարվեն նախապատրաստական աշխատանքներ՝ մայիսյան տոները հավուր պատշաճի դիմավորելու համար:
Աշխատանքների կազմակերված ընթացքը կհամակարգվի մարզպետարանի կողմից: Մարզպետ Սարգիս Սահակյանի հանձնարարությամբ բոլոր համայնքներում ներկա կլինեն մարզպետարանի աշխատակիցները, ովքեր կաջակցեն շաբաթօրյակի արդյունավետ իրականացմանը: Նշենք, որ նրանք համապատասխան համայնքներում համակարգում են նաեւ սանիտարական միամսյակի աշխատանքները, որ, ավանդույթի համաձայն, իրականացվում է մարտ-ապրիլ ամիսների ընթացքում: Այդ ժամանակահատվածում ուշադրության կենտրոնում են հատկապես հանրապետական, մարզային եւ համայնքային նշանակության ճանապարհների, դրանց հարակից գտնվող հասարակական սննդի եւ այլ կառույցների շրջակայքի մաքրման աշխատանքները: