Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արագածոտնի մարզային գրադարանում նշվեց Պարույր Սևակի 90 ամյակը
01.02.2014
Արագածոտնի Վ. Պետրոսյանի անվ. մարզային գրադարանը միջոցառում էր պատրաստել հայ մեծ բանաստեղծ Պ. Սևակի ծննդյան 90 ամյակի կապակցությամբ:
Գրադարանի աշխատակիցները ներկայացրին գրական կոմպոզիցիա` նվիրված մեծ պոետի կյանքին ու ստեղծագործությանը` առավելապես անդրադառնալով բանաստեղծի սիրերգությանը, այդ թվում հանրահայտ ,,Երգ երգոց>,,ին:
Սևակը համաշխարհային սիրերգության աստվածաշնչյան գլուխգործոցի հենքի վրա կառուցելով իր ,,Երգ երգոցը,,, երկնել է սիրո անկրկնելի մի փառաբանություն, իրական սիրո գեղեցկությունն ու մաքրությունը գովերգող, այդ սիրուց ծնունդ առած հոգեկան ու զգայական ապրումների բանաստեղծական ներդաշնակ գործ:
Հանդիսությունն իրենց գեղեցիկ կատարումներով ամբողջացրին գրադարանի ընթերցողներ Լուսինեն, Անուշը, Էմման, բայց սա էլ ավարտը չէր: Սևակի պոեզիայի հոգեպարար շունչն ու ջերմությունը փոխանցվեց նաև հանդիսատեսին; Միջոցառումը եզրափակվեց տպավորված հյուրերի սևակյան ընթերցումներով:
