Արագածոտնի մարզպետի աշխատակազմ

Աշտարակի Նորայր Սիսակյանի անվան ավագ դպրոցում Արագածոտնի մարզպետ Սարգիս Սահակյանը, քաղաքապետ Արմեն Անտոնյանը, փոխքաղաքապետ Գևորգ Եղիազարյանը մասնակցեցին դպրոցի ֆիզիկայի լաբորատորիային Աշտարակի քաղաքապետարանի կողմից նոր փորձասարքերի նվիրաբերման արարողությանը:
Դպրոցական նոր լաբորատոր փորձասարքերը /"Մեխանիկա", "Էլեկտրադինամիկա" բաժինների հավաքածու/ պատրաստվել են Աշտարակ քաղաքում գործող "Միկրոմ" ընկերության կողմից: Ընկերության նախագահ Պողոս Գաբրիելյանը մանրամասն ներկայացրեց սարքերի հնարավորությունները եւ փորձարկեց նրանցից մի քանիսը:
Դպրոցի տնօրեն Մ.Սուքիասյանը շնորհակալություն հայտնեց քաղաքապետին՝ իրենց դպրոցին նման սարքավորումներ նվիրելու համար:
Մարզպետ Սարգիս Սահակյանը շնորհավորեց դպրոցին արժեքավոր սարքավորումներ ստանալու կապակցությամբ եւ ասաց, որ լաբորատորիայի հնարավորություն կտա աշակերտներին ֆիզիկայի գործնական աշխատանքները առավել արդյունավետ ու հետաքրքիր անցկացնել: Նա խոստացավ, որ այս ձեռնարկով սկիզբ կդրվի իր կողմից մարզի մյուս դպրոցներում ևս ֆիզիկայի լաբորատորիաները համալրելու գործընթացին: