Նորություններ
Մարզպետ Սարգիս Սահակյանը քաղաքացիների ընդունելություն կատարեց Թալինի տարածաշրջանում
12.09.2013
Քաղաքացիների ընդունելությունների կազմակերպման ժամանակացույցի համաձայն Արագածոտնի մարզպետ Սարգիս Սահակյանը ընդունելություն կազմակերպեց Թալինի քաղաքապետարանում: Ընդունելության համար ցուցակագրված էր 30 քաղաքացի, սակայն, մասնակցեց 34-ը: Նրանք տարածաշրջանի տարբեր համայնքների, այդ թվում` Թալին քաղաքի բնակիչներ էին: Դիմումատուների մեծ մասը` 32-ը ստացավ դրամական աջակցություն: Բացի այդ, նրանց մի մասը միաժամանակ ուներ նաեւ սոցիալական, առողջական, անձնական բնույթի այլ հարցեր: Դրանց տրվեց դրական լուծումներ, կատարվեցին անհրաժեշտ պարզաբանումներ:
Սեպտեմբերի 18-ին մարզպետը քաղաքացիներին կընդունի Ապարանի քաղաքապետարանում, 25-ին` Ծաղկահովիտի գյուղապետարանում: