Նորություններ
Արագածոտնի ուսանողները կսովորեն Լենինգրադի մարզում
26.08.2013
Ռուսաստանի Դաշնության Լենինգրադի մարզի եւ ՀՀ Արագածոտնի մարզի միջև ստորագրված համագործակցության շրջանակում արզպետ Սարգիս Սահակյանը հանդիպում է ունեցել Լենինգրադում ուսանել ցանկացող թեկնածուների հետ, կատարվել են համապատասխան ուսումնասիրություններ եւ ընտրվել են Լենինգրադի մարզում ուսումը շարունակող ուսանողները: Նրանք երեքն են՝ Կարինե Մնացականյանը, Լիլիթ Մարտրոսյանը եւ Օֆելյա Եղիազարյանը : Նրանք ուսանելու են Լենինգրադի Պուշկինի անվան մանկավարժական համալսարանի բանասիրական ֆակուլտետում՝ պետպատվերի շրջանակում: Օգոստոսի 23-ին ուսանողները մեկնել են Սանկտ Պետերբուրգ: Օգոստոսի 26–ին նրանց հետ կկազմակերպվի համապատասխան հարցազրույց, եւ սեպտեմբերի 1-ից կսկսվի նրանց ուսումնառությունը:
Համագործակցության շրջանակում նախատեսվում են նաեւ կրթական-մշակութային այլ ծրագրեր: Երկու մարզերի դպրոցականների միջեւ անցկացվելու են թեմատիկ մրցույթներ, ցուցահանդեսներ, փորձի փոխանակման նպատակով տեսա-կոնֆերանսներ եւ այլն: