Նորություններ
Իրանի դեսպանն այցելեց Արագածոտնի մարզ
13.06.2013
Հունիսի 13-ին Հայաստանի Հանրապետությունում Իրանի Իսլամական Հանրապետության արտակարգ եւ լիազոր դեսպան Մոհամադ Ռեիսին այցելեց Արագածոտնի մարզ: Մարզպետարանում կայացավ մարզպետ Սարգիս Սահակյանի եւ դեսպան Ռեիսիի հանդիպումը:
Մարզպետն ընդհանուր գծերով ծանոթացրեց սոցիալ-տնտեսական, կրթա-մշակութային եւ այլ ոլորտներում մարզում իրականացվող ծրագրերին: Տեղեկանալով մարզի հիմնական ներուժին եւ նկատի ունենալով, որ մարզը, առավելապես, գյուղատնտեսական ուղղվածություն ունի, դեսպանը կարծիք հայտնեց, որ այստեղ իրենց երկրի ձեռնարկատերերի կողմից հնարավոր ներդրումներ կատարելու հետաքրքիր մտահղացումներ կարող են լինել:
Ըստ դեսպանի, առավել որոշակի ծրագրեր կքննարկվեն կողմերի առաջիկա հանդիպմանը, որը կկայանա մոտ ժամանակներս:
Քննարկվեցեին երկուստեք հետաքրքրող այլ հարցեր: