Արագածոտնի մարզպետի աշխատակազմ

ՀՀ Ազգային Ժողովում ,, Հայաստանի Հանրապետության 2012 թ. պետական բյուջեի կատարման մասին,, տարեկան հաշվետվության ժամանակ Արագածոտնի մարզում իրականացված ծրագրերը ներկայացրեց մարզպետ Սարգիս Սահակյանը: Նա տեղեկացրեց, որ պետական բյուջեով 2012 թ. մարզին հատկացվել է 6 մլրդ. 304 մլն դրամ, որի կատարողականը կազմել է 91 տոկոս:
Մարզում բարենպաստ պայմաններ են ստեղծվել գյուղատնտեսության համար: Ոլորտի զարգացման նպատակով 2011, 2012, 2013 թվականներին համայնքներին հատկացվել է մեծ քանակությամբ դիզելային վառելիք, պարարտանյութ, սերմացուներ, գյուղատնտեսական տեխնիկա, որոնց օգտագործումը նպաստել է մշակովի հողատարածքների ընդլայնմանը, նոր այգիների հիմնմանը, հացահատիկային մշակաբույսերի ցանքատարածությունների ավելացմանը: Նկատվում է խոշոր եւ մանր եղջերավոր անասունների գլխաքանակի աճ, ինչին նպաստել է ոլորտին ցուցաբերվող բավականին մեծ աջակցությունը:
Այս ամենը, բնականաբար, խթանում է զբաղվածության աճին: Արդյունքում՝ գործազրկությունը 2012 թվականին մարզում կազմել է 1,4 տոկոս:
Մարզպետը անդրադարձավ նաեւ Արագածոտնում ՀԷԿ-երի հետ կախված խնդրին: Նա տեղեկացրեց, որ ՀԷԿ-երի գործունեության ընթացքում առաջնահերթության կարգով գյուղացին պետք է ապահովված լինի ոռոգման եւ խմելու ջրով: Այսպիսին է մարզի ղեկավարության մոտեցումը, եւ խնդիրը մշտապես գտնվում է իրենց վերահսկողության ներքո: