Նորություններ
«Հյուսիս- հարավ» ճանապարհի անվտանգության պահպանումը՝ ուշադրության կենտրոնում
22.02.2013
Վարչապետ Տիգրան Սարգսյանի գլխավորությամբ ՀՀ կառավարությունում տեղի է ունեցել Հյուսիս-հարավ ճանապարհային միջանցքի եւ քաղաքային կայուն զարգացման ներդրումային ծրագրի կառավարման խորհրդի հերթական նիստը: Օրակարգային հարցերից մեկով քննարկվել է տրանշ-2 (Աշտարակ-Թալին) ճանապարհահատվածի հողերի օտարման եւ տարաբնակեցման ծրագրի (ՀՕՏԾ) իրականացման ընթացքը:
Ծրագիրն ընթանում է ըստ սահմանված ժամանակացույցի: Հողերի օտարման գործընթացի իրականացումը սկսվել է ՀՀ Արագածոտնի մարզի Կաթնաղբյուր, Եղնիկ, Դավթաշեն, Վերին Սասնաշեն, Ներքին Սասնաշեն համայնքների ազդեցության ենթակա հողերի օտարումից: Կնքվել են 124 օտարման պայմանագրեր մասնավոր եւ համայնքային հողերի ձեռքբերման համար, որոնց մասով տրվել են համապատասխան փոխհատուցումներ:
Ծրագրի ղեկավարներին հանձնարարվել է ուշադրության կենտրոնում պահել ճանապարհահատվածի անվտանգության չափանիշների պահպանման հարցերը՝ միջազգային տեխնիկական լուծումներին համապատասխան: