Նորություններ
Քաղաքացիների ընդունելություն՝ մարզպետի մոտ
18.01.2013
Հունվարի 18-ին Արագածոտնի մարզպետ Սարգիս Սահակյանի մոտ քաղաքացիների հերթական ընդունելության օրն էր: Նախապես հերթագրված էր 29 քաղաքացի, որից 2-ը՝ ընդունելությանը չներկայացավ: Միաժամանակ, ընդունելությանը եկան այնպիսիք, ովքեր նախապես դիմումներ չէին ներկայացրել:
Ընդունելությանը մասնակցող քաղաքացիները ոչ միայն Աշտարակ քաղաքից էին, այլեւ մարզի տարբել համայնքներից՝ Կարբիից, Օհանավանից, Մելիքգյուղից, Ագարակից, Հնաբերդից, Կաթնաղբյուրից, Ոսկեվազից, Բազմաղբյուրից, Ծաղկահովիտից, Սասունիկից, եւ Ապարան քաղաքից:
Բնակիչներից 4-ը մարզպետին դիմեցին անձնական հարցերով, որոնք վերաբերում էին բնակարանի վերանորոգման, առողջական, աշխատանքային խնդիրների: Դրանք ուսումնասիրելու եւ լուծում տալու վերաբերյալ մարզպետը տվեց համապատասխան հանձնարարականներ: 26 քաղաքացու իրենց դիմումի համաձայն տրվեց դրամական օգնություն:
Հաջորդ ընդունելությունը մարզպետարանում կկայանա առաջիկա ուրբաթ օրը՝ հունվարի 25-ին: Իսկ մարտ ամսին, քաղաքացիների ընդունելությունների սահմանված կարգի համաձայն, մարզպետը կայցելի Ապարանի, Արագածի եւ Թալինի տարածաշրջաններ, եւ տեղերում կկազմակերպվի քաղաքացիների ընդունելություն: