Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կայացավ մարզպետարանի քրեակատարողական հիմնարկներից ազատ արձակվածների սոցիալական խնդիրներով զբաղվող հանձնաժողովի նիստ
14.12.2012
ՀՀ Արագածոտնի մարզպետարանում տեղի ունեցավ քրեակատարողական հիմնարկներից ազատ արձակվածների սոցիալական խնդիրներով զբաղվող հանձնաժողովի նիստ` մարզպետի տեղակալ Ա. Արսենյանի նախագահությամբ:
Քննարկվեցին քրեակատարողական հիմնարկներից 2012թ. ընթացքում ազատ արձակված՝ ՀՀ Արագածոտնի մարզում բնակվող անձանց սոցիալական խնդիրները: Նշվեց, որ քաղաքացիներին հասարակության մեջ վերաինտեգրելու նպատակով նամակներ են ուղարկվել համապատասխան համայնքների ղեկավարներին համայնք վերադարձած անձանց ընտանիքի կազմի, սոցիալական պայմանների, զբաղվածության եւ հասարակական վարքի վերաբերյալ տեղեկատվության տրամադրման վերաբերյալ:
Մարզպետարանի կառուցվածքային ստորաբաժանումների ղեկավարները ստացան համապատասխան հանձնարարականներ: Մասնավորապես, առողջապահության եւ սոցիալական ապահովության վարչությանը, ՍԾՏԳ-ի պետերին հանձնարարավեց քրեակատարողական հիմնարկներից վերադարձածների սոցիալական պայմանների ուսումնասիրության նպատակով կատարել տունայցեր, նրանց ներառել աջակցության ծրագրերում:
Ընտանիքի, կանանց եւ երեխաների իրավունքների պաշտպանության բաժինը ոստիկանության հետ ճշտելու է տարվա տվյալներն ըստ կալանավայրերից վերադարձածների տարքի եւ սեռի; Աշխատանքներ կտարվեն՝ նախապես պարզելու ՔԿՀ-ում գտնվողների, համայնքներում նրանց ընտանիքներում առկա անչափահասների մասին:
Կրթության, մշակույթի եւ սպորտի վարչությունն էլ կուսումնասիրի մարզի դպրոցներում դժվար դաստիարակվող երեխաների հետ տարվող, նրանց մարզական, գեղարվեստական խմբերում ընդգրկելու, ոստիկանության անչափահասների հարցերով աշխատակիցների հետ համագործակցության աշխատանքները:
