Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Արագածոտնի մարզպետ Սարգիս Սահակյանի շնորհավորական ուղերձը Ուսուցչի օրվա առթիվ
04.10.2012
Սիրելի ուսուցիչնե’ր,
Շնորհավորում եմ ձեզ Ուսուցչի օրվա առթիվ: Արդեն ավանդական այս տոնը Հայաստանի Հանրապետությունում նշվում է ամենայն մեծարանքով՝ իրավացիորեն արժանանալով պետական բարձրաստիճան ատյանների ուշադրությանը:
Անգնահատելի է այն դերը, որ ունեք դուք աճող սերնդի կրթության, հանրապետության ապագա քաղաքացիներին ազգային, քաղաքացիական ու բարոյական ճշմարիտ արժեքների ոգով դաստիարակելու գործում: Բոլորիս քաջածանոթ են այն դժվարությունները, որ հաղթահարել եւ հաղթահարում եք դուք ձեր ազգանվեր եւ հայրենասիրական առաքելությունն իրականացնելու ճանապարհին: Այդ ամենը դուք կրում եք անվարան, արժանապատվորեն:
Երկրի նախագահ Սերժ Սարգսյանի եւ կառավարության կողմից արվում է այն հնարավորը, որը միտված է կրթական համակարգի բարեփոխմանը, դպրոցաշինությանը, ուսուցիչների կենսապայմանների բարելավմանը:
Այժմ արդեն վստահաբար կարող ենք ասել, որ առաջընթացն ակնհայտ է: Այդ աշխատանքներն այսուհետ էլ հետեւողականորեն կշարունակվեն:
Կրկին շնորհավորում եմ այս գեղեցիկ օրվա առթիվ, մաղթում ձեզ քաջառողջություն եւ ստեղծագործական առաջընթաց ճանապարհ:
