Արագածոտնի մարզպետի աշխատակազմ

Արագածոտնի մարզի հողատերերին կհատկացվի ազոտական պարարտանյութ եւ դիզելային վառելիք: Կառավարության կողմից իրականացվող ծրագրի շրջանակում հողօգտագործողները գյուղատնտեսության համար այդ կարեւոր միջոցները ձեռք կբերեն մատչելի գներով՝ պարարտայնութի 1 պարկի համար վճարելով 6000, իսկ վառելիքի 1 լիտրի համար 350 դրամ:
Ընդհանուր առմամբ մարզին կտրվի մոտ 700 տոննա ազոտական պարարտանյութ եւ 946 տոննա դիզելային վառելիք: Ներկայումս սկսվել են բաշխման աշխատանքները եւ միաժամանակ կատարվում է գումարների հավաքագրումը:
Ծրագիրը մարզում գործել է նաեւ գարնանը: Այդ ժամանակ հողատերերը ստացել են շուրջ 2490 տոննա պարարտանյութ եւ մոտ 800 տոննա դիզվառելիք: