Արագածոտնի մարզպետի աշխատակազմ

,,Մրցակցային եւ պետական օժանդակության կիրարկման հզորացումը Հայաստանում,, ծրագրի շրջանակում Արագածոտնի մարզպետարանում կայացավ սեմինար՝ ,,Ուղղահայաց եւ հորիզոնական պետական օժանդակության հիմնական կատեգորիաները,, թեմայով: Ծրագրի կազմակերպիչը ՀՀ Տնտեսական մրցակցության պետական պաշտպանության հանձնաժողովն էր:
Սեմինարի մասնակիցները տնտեսական ոլորտին առնչվող մասնագետներ էին, համայնքապետարանների համապատասխան աշխատակիցներ եւ մարզպետարանի ներկայացուցիչներ, ովքեր հնարավորություն ունեցան ծանոթանալու տնտեսական մրցակցության գործում պետական աջակցության հիմնադրույթներին, տեղական մարմիններում դրանց իրականացման գործընթացներին:
Բանախոսները ներկայացնում էին տնտեսական զարգացման հարուստ պատմություն ունեցող եւրոպական երկրները, որոնց կողմից ներկայացված տեղեկատվությունը լավագույն հնարավորություն էր այդ երկրների առաջավոր փորձն ու հմտությունները տեղայնացնելու եւ ըստ անհրաժեշտության կիրառելու համար:
,,Պետական օժանդակության չափանիշները. ոլորտային եւ հորիզոնական օժանդակություն,, , ,, ՀՀ ՏՄՊՊՀ-ի եւ պետական օժանդակություն տրամադրող մարմինների դերը,, , ,,Պետական օժանդակության չափանիշների, ոլորտային եւ հորիզոնական օժանդակության վերաբերյալ իրական գործերի ուսումնասիրություն. ապօրինի պետական օժանդակության վերադարձ,, թեմաներով զեկուցումներ կարդացին փորձագետներ Նիկոլաուս Գրաֆ Վիցտումը, Մոնիկա Հոշրայթերը, Թվինինգ ծրագրի մշտական խորհրդատու Շարունաս Պայարսկասը:
Սեմինարի աշխատանքներն ամփոփվեցին այլ քննարկումներով եւ թեմային առնչվող հարց ու պատասխաններով: