Նորություններ
Ցուցահանդես՝ նվիրված ՀՀ ազգային դրամի պատմությանը
26.03.2012
Հայաստանի Հանրապետության կենտրոնական բանկը ապրիլի 16-23-ն ընկած ժամանակահատվածում նախաձեռնել է Հայաստանի Հանրապետության ազգային դրամի պատմությանը վերաբերող ցուցահանդեսի կազմակերպում Աշտարակ քաղաքում: Ցուցահանդեսի նպատակն է բնակչությանը ծանոթացնել ՀՀ ազգային դրամի պատմությանը, դրամի պաշտպանական հատկանիշներին, ֆինանսաբանկային համակարգի հիմնական գործառույթներին, ներկայացնել ֆինանսական համակարգի ծառայություններից օգտվողների իրավունքները:
Հայաստանի դրամաշրջանառության պատմությանը նվիրված ցուցահանդեսը Հայաստանի Հանրապետության կենտրոնական բանկի հաջողված նախաձեռնություններից մեկն է, որի մասին վկայում են ցուցահանդեսի բազմաթիվ այցելուների շնորհակալական եւ երախտիքի խոսքերն ու գնահատանքը: Առ այսօր ցուցահանդեսներ կազմակերպվել են նաեւ Վանաձորում, Ստեփանակերտում, Իջեւանում, Եղեգնաձորում, Գյումրիում, Գավառում: