Նորություններ
Մարզպետի մոտ կայացավ քաղաքացիների հերթական ընդունելությունը
11.11.2011
Նոյեմբերի 11-ին մարզպետ Սարգիս Սահակյանի մոտ կայացավ քաղաքացիների հերթական ընդունելությունը: Նախապես ցուցակագրված 15 քաղաքացուց ներկայացավ 14-ը:
Երկու քաղաքացի աշխատանքի խնդիր ուներ: Նրանցից մեկի դիմումը բավարարվեց, մյուսինը՝ մերժվեց: Բնակարանի սեփականության վկայականի ձեռքբերմանը վերաբերող մեկ դիմում ընթացքի մեջ է, իսկ առողջական հարցին առնչվող մեկ դիմում բավարարվել է: 10 քաղաքացի էլ ստացավ դրամական աջակցություն:
Քաղաքացիների ընդունելության անցկացման կարգի համաձայն, մարզպետի մոտ քաղաքացիների ընդունելությունը կայանում է յուրաքանչյուր ուրբաթ օրը: Բացի այդ, քաղաքացիների հետ Ս. Սահակյանը յուրաքանչյուր եռամսյակի վերջին ամսվա ընթացքում հանդիպում է կազմակերպում նաեւ տարածաշրջաններում, որի ժամանակ հարցերի մեծ մասը լուծում են ստանում նույն պահին: