Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կայացավ քաղաքացիների հերթական ընդունելությունը
01.10.2011
Քաղաքացիների ընդունելության ժամանակացույցի համաձայն, քաղաքացիների հերթական ընդունելությունը մարզպետ Սարգիս Սահակյանի մոտ կայացավ սեպտեմբերի 30-ին: Հերթագրված էր 20 քաղաքացի, որից ներկայացավ 19-ը:
Նրանց մեծամասնությունը` 13 հոգի, դրամական աջակցության խնդիր ուներ: Բոլորի դիմումներն էլ բավարարվեցին: Երկու քաղաքացի` Աշտարակ քաղաքից եւ Թալինի տարածաշրջանի Թաթուլ գյուղից, ստացան հաշմանդամության սայլակներ:
Աշտարակ քաղաքի երկու բնակիչ վառելափայտի խնդիր ուներ: Նրանց տրամադրվեց անհրաժեշտ վառելիքը, ինչպես նաեւ` որոշակի դրամական օգնություն:
Դրականորեն լուծվեց նաեւ Ոսկեվազ գյուղի մի բնակչուհու` անչափահաս աղջկա պետպատվերի շրջանակում վիրահատման խնդիրը:
Ապարան քաղաքի մի բնակչուհի էլ մարզպետին դիմեց իր տնամերձ հողամասի վիճահարույց խնդրով: Հարցը ընթացքի մեջ է: Այն լրացուցիչ ուսումնասիրության կարիք ունի, որի համար տրվեց համապատասխան հանձնարարական:
